大雨至醒,睡來還可,家居改革,簾棍,大大雨屈響企,下午茶呀大,執回士巴拿,個仔上墻身漆.晚飯5人食.

幾日來未好瞓過,昨晚10點半鐘以經上床瞓,瞓至半夜,好大雨聲嘈醒,嗱淋起來關窗,真係大得好緊要,跟住想話瞓返,唉!誰知個鼻唔生性,鼻塞塞咁,越索越塞,為有起來出廳坐住瞓,還好不久無事返床瞓過,一瞓就今早7點半鐘醒,睡來唔錯,賴至8點鐘起來,獨係幾個噴嚏同些少鼻水,一切良好.
洗個面早餐,辦妥一切事務又9點半鐘,神的晚餐,好囉終於大結局.
套劇太不合理,一個咁毒辣既女人,心胸窄到無人有,一點懲罰都無,還可登上阿里郎大師位,實在令人不服氣,終於結局,不用再追LU.
看完套虎頭蛇尾劇後,家居改革開工,DYY簾棍,一做12點幾鐘搞掂,今日又到此為止.

整日下雨,百無聊在家,不是上網便看電視,老婆加班放4點鐘.
好快又4點多啲鐘,老婆來電樓下大家樂喎,落到大家樂老婆還未到,找咗個對號位,坐咗好一會老婆才到,兩人兩杯滾水,食個芝士肉醬意粉34蚊算數.
餐後買餸,買有涼瓜一個6蚊,冬瓜一舊6蚊,瘦肉15蚊,豆腐一件4.5蚊返歸.

返回聶堂,等聶其間,諗吓?不如多口問座頭保安,有無執到士巴拿?竟然有,保安好驚訝,我話係呀,好彩當時傾盆大雨,若果跌中人就大鑊,我現在還有點驚呀.
士巴拿失而復得,好開心不用再花錢買.
回家上陣網,實在太累,要上床恰番陣,6點半鐘個仔上來,開始油墻身喎.

就個仔油漆同個新抱收工上來,老婆煲落個湯,夜點才煮飯,有豆腐4.5蚊,涼瓜6蚊,些少韮王,公魚干同罐豆豉鯪魚10蚊.

 豆豉鯪魚煮涼瓜

韮王豆腐.

 蒸公魚干

 瘦肉煲冬瓜

 5個人食,1夜返,留飯餸.

飯後果香蕉