河源梅州三天(1)河源,客家娘酒博物館~農夫山泉生產基地~雅園半島酒店.

未踏入16年,老婆同我講1月19,20,21有三天假,要旅行喎?唉!又要傷腦根?返大陸兩三天,不紐都係跟開匯景,無諗過其他旅社,自從上次睇銀杏,就嚇怕咗我,真係好想轉轉,於是網上刮吓料.

刮咗好幾日,原來三天係無乜團種,19號三天除美食有一團成團外,匯景完全係無,今日以經3號,怎麼辦?突然靈機一觸,諗起旅遊專家威龍兄,於是fb過佢,威龍兄真係好人,當晚以經覆我,佢話喱個月份淡季,三天團更難有,但都幫我摷到喱團,又比埋定心丸過我,佢話喱啲特價團,成團機會好大,佢去過幾次,都要坐山頂位喎,見佢咁有信心,於是乎第二日3號便走去報名.
報名一問?嘩!得10個人報咗,會成團嗎?職員話還有段日子,成團機會好大,唉?咪搞,考慮吓先?行轉商場,老婆係都話報名,唉!是但啦,唔成團再諗過,咁就報咗名,職員話可以先落住100蚊定,到時成團才比尾數,唉!都無謂行來行去.
到12號行經瀝源,順便行去問問味力,19號三天嗰團能否成團?一問46人還有4個位喎?嘩犀利?

到17號距離旅行還有兩日,又咳又鼻水,又腰痛,真大鑊,最慘咳兩聲或打個噴嚏,尾龍骨陰陰扯住痛,稍為伸伸條腰,好似斷咗一樣閃閃痛,老婆叫食消炎藥,我係都唔食,又睇你痛得幾耐.

到旅行前夕,條腰似乎無咁痛,咳還是依然,當晚老婆緊張,天氣報告會好凍,由其梅州近北,於是翻箱倒籠,摷我件厚厚羽絨,唉!家居改革下,都唔知質咗去邊?老婆係都摷件新買件勁嘢出來,落雪也不怕,我勸極都係唔肯,為有照拎,好彩可以壓縮得較細.
執好一切,諗住早點瞓,11點鐘上床,最怕係旅行前夕,結果成1點鐘還是眼光光,無偈?為有又出武器,笠個耳筒,開大聲點,就咁矇矇矓矓到6點鐘,還好可以瞓番些少.
跟住老婆亦醒,梳洗一番,沖杯奶麥食個麵包,執齊行理6點45分出門,大圍站轉車稍等,便順利有車有位到落馬洲站,站內去個所歇歇,便過關.

2016年1月19日  星期二

河源梅州三天遊  第一天

8點06分來到1號閘口報到.報到後環顧吓四周,還是大航做大佬,匯景呀二7,8支旗,跟住廣東幾支,奇怪少有美食幾支,在福田出發?而味力一千零1支咁多.
問聲導遊該團多少人,51人喎?嘩!爆突?

各社各例,坐位紙.

 

8點25分人齊車到.

 

9點17分到深圳灣,第二站上車.

 

10點43分來到謝崗服務站,鬆鬆.

 

12點10分來到河源這間年輝漁村,食我們中午.

 

魚缸三條大噚龍.

 

鴨咀魚.

 

一行共5圍,大多超耆英,係得一條靚仔咁多,難怪得我個侄話,全是耆英,真係唔去喎?
我都係耆英,但同4,50年代思想耆英唔同,嗰年代人白飯都要食三大滿碗,最記得以前去人家處食飯,招乎你,一定要你添飯,一添要你兩三大碗以上,因為以前日本仔年代無得食,現代人食餸多過食飯.
耆英中耆英我都了解,食量驚人,菜一到,就開動佢食的機器,菜一來到就毫不客氣起筷,佢不是搶食,只不過唔蝕底,嚟嗰碟食嗰碟先,係不停咁食,又快又密,飯都裝好幾次,睇佢眼神0趙同吞,真好認真囉,碟還剩下些少,拿碟菜埋來撥,還以為佢撥落口?撥落碗啫,又駛唔駛貼到貼自己塊面?一路食,我一路睇住佢兩公婆表演.

  

影相就難啲,但碟碟有份量,都還可以吃飽.

 

飯後還是C奶本色買嘢.

就近景點客家娘酒博物館,導遊要落力叫幾次,團友才過來參觀,

  

  

 

個大陸團位導遊,即直揮毫,寫得幾靚,.

我都來揮番筆.

博物館好大方,老婆都試咗幾款,糯米酒黃酒,唔飲酒既我,糯米酒好醇,好入口.

 

離開黃酒博物館,13點37分來到農夫山泉水生產基地參觀.

 

做水生意,當然都係宣傳佢啲靚嘢,佢啲水質飲品,又橙汁又奶茶好幾款.

示範佢啲水點清醇?又講佢啲膠樽制做過程,唔講唔知?原來個樽模手指公咁大,試管一樣,樽蓋就原裝,樽身就一氣呵成吹大,夠衛生喎.





大大間廠,得一條生產線在運作,似乎唔多銷得咁款?

略參觀完便離開,臨走廠送我門每人一支水.

15點鐘來到今晚入住酒店,



酒店就舊啲,不過還算新淨,房間大.
 






距離食飯時間尚早,同老婆外出走走,離開酒店嚇一跳,電單車上行人路,認真唔得,在後便一輛又一輛過,同汕頭一樣嚇C冷.
 




行兩行都無乜好睇,還是返回酒店瞓覺,攰攰哋一瞓近6點鐘.
酒店棉被好唔掂,硬掘掘唔軟熟,又唔太暖,瞓得不大舒服.
18點21分又來返中午餐地方,不過唔同舖,今次就新坤新,以前都來過.
 
場就夠大,得我們五台客,似乎冷清啲.

都係咁啦,兩位超耆英,開動佢飯機器狂咀,有時難明佢啲消化係統,唔通我特殊?還是嗰句,餸菜夠份量.

飯後原車返回酒店,就各有各精彩,老婆還是不行超市誓不擺休,

行咗10分鐘,終於來到這裡,大概最靚最大間?

哈!香港嘢係好啲,要搞到杪成咁?

百貨公司就大,同老婆都係選擇行喱啲.









嘢都係偏貴唔靚,同順德嗰邊差得遠?同老婆還是無交易才走.

臨離開見有個咁孭仔法.

門口支嘢還以為流嘢,原來真是石刻成,真係大支嘢.

返回酒店9點鐘,沖好涼上床,連牙都無擦,便隨隨瞓著.

明天再續.