睡來可以,微風細雨超級凍,乜事都無,整朝寫blog,游水800m,大圍買餸食拮嘢,晚飯三人兩煲食.

昨晚天氣寒冷涼都無沖,12點前都瞓,一覺6點又醒,老婆返工,似乎又瞓返,一瞓就今晨7點鐘,笠個耳筒收音機賴至8點45分起來,一切良好,耳鳴還是差不多.

寒風澟澟下走入廚房,煲點水洗面,早餐麥皮食光,為有沖杯朱古力,麵包花生醬食,餐後量血壓146/78-55超高,食埋今早藥,辦埋個大事又10點鐘,洗手時曬晾間望吓個温度計,成10度,超凍.
 
百無聊賴還是寫我旅遊blog,一寫又一個上午,望吓鐘1點,昨日無沖涼,嗱淋執嘢,拿手唔成勢,求其執條大毛巾,真係好大條,執件新買的大羽絨,嗱淋出門,寒風刺骨下單車踩去泳池,單車都硬晒,轉波都唔靈.
過到池1點40分,更衣室遇肥仔員工,又傾幾句,話今早得幾丁友游喎,我話唔來點對得住政府,咁好資源,唔游會好嘥.
稍熱身下即上池,上到池面,不敢怠慢,嗱淋下水,一條氣游佢800m,兩點45分起水,拿回條大毛巾,嗱淋褸住返回更衣室.
更衣室遇呀王,好愕然,話我咁勇,嗱淋沖個大熱水涼,老婆以經來電兩次,就大圍食嘢兼買餸,之後同呀王吹多陣水,便趕去大圍會老婆.
過到大圍食拮嘢,每人食個飯餐,合共40蚊,上陣網便買餸,行轉街市買有水果麥皮24蚊,粉絲5包10蚊,薯仔3隻5蚊,沙糖桔磅半15蚊,兵分兩路返歸,老婆搭車,我踩車.

回家5點半鐘,老婆處理今晚菜料,我就繼續上網寫我blog.
夜點我來煮飯,菜料有冰鮮雞半隻15.4蚊,薯仔5蚊,紹菜6塊,粉絲1扎,蝦米,白果同火腿.
 薯仔咖哩雞煲
 
 火腿白果紹菜粉絲煲

 三個人食一夜返留飯餸.

飯後果沙糖桔