英西湯泉度假村兩天(次天)完結篇

2017年1月3日 英西湯泉度假村兩天(次天)完結篇

昨日舟車勞碌一整天,飯後不作他想,一於湯泉浸夠本,浸咗一整晚,夠皮上床就瞓,一覺今晨6點多醒,賴床7點鐘拍醒老婆,準備今日的開始.
7點48分踏出屋外,嘩!霧鎖英西?還未及8點鐘早餐,兩公婆外便行個圈,感受一吓霧之英西,

五個池煙霧迷漫

門口擺開陣勢,準備最後衝刺.

8點鐘開始我們早餐,早餐都唔錯架,菜蛋包薯白粥有炒粉,烚蛋剝殼又會咁色水嘅?問句員工,佢話一批批架,有白有咁色喎?又會咁K怪?

早餐大談經歷係今早,各式其式,有人7點踩車,有人晨運,最經典莫於佢,晨咁早上山,見到啲咁嘢?嗱淋借來拍下,原來霧水變成霜,奇景.

還有附近霧之靚相,咁大貼士,機不可失,當然出去拍番幾張,
出到去8點44分,果然係靚景,

拍陣照,朋友約咗今朝割菜喎?地方係昨日踏車十里畫廊反方向,經過排樓入村.

唉!又話好近,天殘腳的我,同大隊大大脫節,唉?早知踩車而來啦,遠到冇影差點失散,

好彩大路一條,遠遠見到啲友.

佢摘佢割,佢問佢答,乜Q菜嚟架?估佢唔到?大咗係紹菜,黃牙白嚟喎?

摘完就秤,乜Q菜都係2蚊斤.

三條友仔滿載而歸.

人家屋前鴨子,

回來放下戰利品,事不而遲,最後一踩.

不一樣的十里畫廊

朋友再試載個老婆失敗,為有暫時抛下妻情,獨享畫廊.

踩咗半小時有多,來到老遠這裡,佢似乜就乜囉?

 當然玩吓嘢,擺老婆上枱,大家咁高咁大,你乖乖呀?

時間所限,拍輪照回程LU.
回程這裡,贈言一句,先生無能,妻踱步呀.

返回度假村,執拾細軟,係時候離開.

11點11分來到最後一景點,彭家祠.

團友有景無景其次,最緊要shopping.

彭家祠

入到彭家祠,還是搶購,

彭家祠頂一望無際,我就無福消受,朋友你們上啦,

我就到此為止,太高太多梯級,朋友我老婆就上去,我就在此處等候.
等候其間,見另團女導遊下來,話今早晨咁早,導遊司機四個人來過,登頂睇日出喎?下來時梯濕級滑,同司機兩個齊齊跣低,好彩無事喎?望吓啲雲石梯級,歷經歲月,光滑無比,有水肯定撻C人.

頂瞰景老婆提供,





嘩!乜年代呀?寶珠姐同芳芳姐???聽老婆講,武指朋友先生.

11點46分離開彭家祠,村口我都買番包腐竹廿皮,一斤重喎?老婆就10蚊買包類似八仙果.

12點12分來到這間黃花村美食,食我們行程最後一餐午飯.

叫竹筒雞宴

何止菜肉魚,豆腐,腐竹,炆筍乾都有.
13點20分上車,回程LU.



14點32分這裡方便一吓,

16點12分,麻涌方便.

途中16點39分日落西山,





17點09分沿海高速收費站,

17點19分堔圳灣團友下車,886.

17點41分,福田口岸,距離好遠嘅水圍,兩天旅程就此完滿結束.





返歸都19點10分,買來有襯手生菜2蚊,市買莞茜3蚊,類似八仙果10蚊,腐竹20蚊.