睡來麻麻失眠,整朝上網,個仔放孖day,娛樂城下午茶,救命藥木耳漿,晚飯4人食.

昨晚11點零都瞓,一覺半夜兩點鐘醒,瞓多陣5點鐘又醒,醒後今趟就瞓不返,睇住老婆閙鐘響返工,我依然瞓不著,無辦法?為有又耳塞歌仔瞓,矇矓到8點鐘醒,千禧年代,曾俊華選特首,聽輪8點多起來.

洗面搞早餐食,戴上假牙,都係唔掂?還是嗰個位?右邊大假牙下肉痛,唉!都唔知幾時才唔痛,星期日調較過非常好,轉頭兩日又唔掂?真係難明?.磨吓磨吓食埋個早餐,星期日北上買的條麵包,終於宣報食晒,藥盒無晒藥,執輪所吃的藥又9點50分.
上陣網個仔蒲頭問食唔食早餐,話去麥記買早餐喎,剛食過當然唔食,咁佢就麥記買佢兩個人食,我就續上網,11點45分新抱返工,剩係個仔放假連昨日兩日,棚假牙唔掂,谷鬼氣磨刀石大力省吓佢,哈!又似乎好得多啵?木耳以經無食廿多天,又要整番劑食吓?浸下木耳黑豆,老婆放工返.
2點鐘老婆話要飲下午茶喎?個仔又話來喎?咁就齊齊過娛樂城下午茶.
富臨好耐來,上到去竟然不用攞飛等位,有位就坐,場面冷清,伙記都少了很多,整間酒樓得一半客?睇來就快摺都似?叫咗5個點心,一碟肉絲煎麵,落咗單等咗好耐,才來問張單係咪我們的,有無搞錯?唉!點做嘢?竟然單都未落?好彩唔趕時間,啲嘢續樣上,其他食晒還差碟肉絲煎麵,同牛肉球未到,搞到要趨才到,員工又少,沖水都要自己來,吃過坐夠走人,個仔找數145元.

離開酒樓我同老婆買餸,個仔話出深水涉喎?同老婆行轉759買有鮮奶兩包17.4蚊,黑木耳20.4蚊,咸豬手29.9蚊,跟住過卜佳,買有長椰菜兩棵4.3蚊,衛星包12蚊走人.合共84蚊.
 
老婆要入街市買神枱物品,我就門口坐等,見啲街坊排晒大隊,大派手寫揮春.

買齊所須便搭程車返歸.
回家5點半鐘,而我浸下的救命藥,要開火煲,壓力煲下半小時,搞掂打漿入樽,放雪柜慢慢食.

8點鐘煮飯,料有雞汁,紹菜,粉絲,鴛盟腸同隻油鴨肶.



紹菜粉絲蒸隔夜雞.

粉絲紹菜蒸臘味,

成9點鐘開飯4個人食.