睡來尚可,醃青瓜金筍,火都嚟埋,頭破芒爆,游水800m,食麥記兼買餸,貢獻馬會55,晚飯5人食.

昨晚還是12點前都瞓,一覺5點鐘便醒,去個所又瞓不返,無偈?為有又笠耳筒聽歌瞓,老婆返工,我就矇矓瞓返,就係咁瞓到7點多醒,唉!相信係咁多,便手機youtube賴床,到8點多才起來.

洗面其間,新抱叫聲返工喎?又會咁早?搞早餐食,鮮奶差不多無,看來759平鮮奶無LU?又要覓第二樣,邊食邊上網,,搞掂就量血壓,120/72-58,食今早藥,辦埋個OK大事又10點鐘,上輪網10點半鐘,無乜好上,於是揾啲嘢搞吓,就係昨日買啲青瓜,用醋醃咗佢都好?
於是乎順便醃啲金筍,唉!誰知個女瞓醒,又搞搞震,左問右問,做緊嘢喱喱嘍嘍,足之我個頭撞落隻柜門角,流埋蚊飯?又要用佢啲健康上腦方法,香薰油同我止血,搽完一次又一次,捉住個頭係咁睇?嘩!煩到嘔,搞到我發晒火,粗口大叫,你係咪要逼到我出街呀?真係火都嚟埋?好地地一個早上,何解要煩我?
谷鬼氣,嗱淋醃埋啲青瓜同紅蘿蔔,本來醃三粒鐘,醃咗兩粒鐘我都算,嗱淋用白開水沖佢兩次,然後渣乾水入樽,倒下煲過攤凍啲糖醋滾水,搞掂放雪柜,

搞掂無眼睇,執嘢去游水..
太陽曬泳池地面熱,都係穿番對拖鞋,游水個斜孭袋爛了多時,係時候要掉,改用個環保袋好過?
 
過到泳池1點半鐘,更衣室更衣,好衰唔衰揀格最高個,唉!手機不慎高處跌下,大鑊,個芒爆埋?唉!芒破頭爆,真黑仔?
 
上到池面,陽光普照,好彩有對人字拖,踱去舞雷公遠既副池,若果赤腳都幾係嘢?池邊稍熱身,1點40分下水,200m唞唞又200m,湊夠800m剛好2點半鐘起錨.
踱回更衣室,沖個大熱水涼,穿回衣服,至電個老婆想點?老婆話要去禾輋,唉!去來做乜?係食嘢人梳啲外.無嘢啱買,不如就市中心啦,食乜呀?麥記喎,咁就先到先揾位啦.
見老婆到中心須時,我又同呀王吹水,大鑊吹到不知時間過,老婆來電摧速,於是乎匆匆踩車去,踩到半途,大鑊甩鍊,為有用手扣回上去,誰知踩不到兩嘢又甩過?乜料呀大哥?唔通部單車啲牙夠期?為有小心慢慢踩過去.
上到麥記老婆黑晒面,我就比雙手過佢看,單車壞呀,老婆才無乜聲,老婆買嘢,一包一餐飲奶茶33蚊.
吃夠坐夠走人,行經馬會,過億金多寶,嘩!超多人排隊,打晒蛇餅,老婆想排,嘥氣,返歸網上買好過.
離開馬會行卜佳,跟住過759,公,正,街價一律88折,行輪其實無嘢啱買,但老婆胃食,薯片執兩包.
 離開759,連日半城都唔放過,還是空手出來,跟住雞寶都係空手走.
返回沙田街市,叫做有嘢買,就係魚仔花蒼同瓜子蒼,10蚊份兩份減5蚊,15蚊成交,返回卜佳,冰雞又特價,36買29蚊,同老婆又揀隻走人.
同老婆還是分道揚鑣,佢乘車我單車走,唉!單車壞,小心翼翼踩回家,途中諗住最好有部踩得吓,人又唔要放棄就好.
足知踩到少田頭,吓?有部單車竟然無鎖,於是下車睇吓,推佢行兩步,個後轆個制失靈,都係唔要,再睇真啲?車尾架有個紅膠袋冚住把鎝,唉?原來條友失魂,忘記鎝上,哈!嘥氣,幫佢鎝上走人.
回家老婆正處理買來魚仔,
 
買來有759兩包薯片20.8蚊,花蒼同瓜子蒼魚仔15蚊,卜佳冰鮮雞一隻29蚊.

夜煮飯料如下.

一煮差不多搞掂,老婆大嗌,六合彩未買呀?望吓錶差不多9點鐘,嗱淋上網我20老婆7個字35蚊,結果盛惠55蚊.
公魚干南瓜蒸雞.
 
 麵豉蒸花蒼,
 
青瓜炒甘筍
 
 4個人食1夜返留飯餸.