蒙古山西北京九~4 希拉穆仁大草原
2011年6月24日 星期五
.
17:20經過歡迎儀式便入住蒙古包.
蒙古包好現代化,三合土建築,耐用不倒,我同老婆分配610包
房內都唔錯,簡單清潔,太陽能熱水重係好熱添,須然時間趕啲,我同老婆都沖番個靚涼先.
沖完個涼,好快咁要趕去蒙古包後便睇表演,
有賽馬,不過跑咗兩圈就玩完,
有捽跤睇,哈!唔夠兩分鐘又玩完,
重有捉馬表演,但每個項目都唔夠5分鐘玩完,真係可以列入健力士大全,最短的表演.
看完啲一剎那節目,就周圍參觀吓啲真正蒙古包?錯,原來又係石屎包,只不過外面披件蒙古布.
18:45來到餐廳食飯,
菜式拍照都幾靚,但對我口味就麻麻,
我們整團訂咗隻烤全羊,每人60元,
蒙古靚女來處理隻烤羊,我都唔執輸,影番張烤全羊照先.
蒙古靚女做儀式,又要選對夫婦做王爺,真係好隆重架.
喱對團友做咗王爺,都飲咗好多杯囉.
我剩係食咗個饅頭,同加錢隻烤羊肉,其他我都無乜食到,以經飽飽.
儀式做過又每個團友同你獻上哈達敬碗酒.唔執輸整番條羊good先.
我剩係食咗個饅頭,同加錢隻烤羊肉,其他我都無乜食到,以經飽飽.
還未食完,有人建議每人10蚊加插節目,睇表演喎,係民族歌舞,唱得唔錯跳又幾好.
團友們都載歌載舞,嘩!簡直興奮極,
最後圍個大圈,氹氹轉扯來扯,興奮熱閙就到尾聲LU,餐飯食到20:00就完.
離開餐廳以經日落西山.
咪以為日落西山就完,21:00來個篝火晚會.
當然有歌舞表演,
有串燒食,不過係自費.
消費枱有啤酒同瓜子花生小食,唔貴300蚊一桌.
我都來湊湊熱鬧.
21:50終於曲終人散886LU.
下篇再續.
蒙古包.......當年真係 用布加牛糞搭成的.....唔臭, 只係殘留小許前人汗味。
唔會去了。
就留往日淳樸景象永留腦海回憶