晨早醒,賴床八晏,整朝上網,腳痛痛,游水600m,食美心,晚飯4 人食,飯後馬,執196元.

昨晚個女執衫執盛,搞到12點多鐘,我才有床瞓,一覺今晨0630醒,瞓不返手機賴床,睇吓喱樣?睇吓嗰樣?摷吓買電腦資料?又摷吓個blog內陳年舊事,找到篇又谷氣,但又有點自豪日誌,個女當日激到我叫救命,自豪的就係當晚出咗條片,點擊率竟然有成880次咁多,就係咁一賴就1000才起來.

起來陽光普照,梳洗後搞早餐上住網食,餐後依然無得量血壓,部機無電?上陣網辦埋個大事又1200.
看陣電視又差不多成點鐘,唉?做乜好呢?幾日無游水?去唔去好呢?腳又無晴晴痛,左腳小腿扯住痛?但又不太嚴重?去游水又唔知轉季未?轉季就無大池兼又凍水,去與不去諗咗好耐?唉?咁好太陽就算凍水?都無問題啦,不如打個電話過泳池,若果未轉季就游啦,結果係未轉,要到15號才轉,見還是暖水,咁就無值口懶唔去,執整嘢去游水.
過到泳池1320,更衣室搞掂一切上池,陽光普照,稍熱身1335下水,埋頭游佢600m夠數,1418起水走人.
更衣室沖個大熱水涼,至電個老婆,食乜好呢?諗起雞蛋食晒,就沙田中心食美心,同呀王吹陣水,便過沙田中心,途中老婆電話來追?都費事聽,嗱淋趕過去,去到以經1510.
老婆要個飛碟餐24.5蚊,我就卜卜脆豬餐26.5蚊,

吃過聊過,篤輪手機1610走人.
日日如是行百佳,街市跟住佳寶,行過探過來到佳寶,買排蛋30隻,竟然平到20蚊?然後百佳買棵西6.9蚊,8片方包8.9蚊走人.以經5點鐘,同老婆各有各撐,老婆搭車我踩車,返回自己街市,7蚊買兩隻節瓜返歸.
 
回家1724寫陣blog就刨馬仔,1930煮飯,料有西芹,節瓜,茄瓜,梅菜同煙肉.
 

 
梅菜煙肉蒸節瓜,

煙肉炒西芹,

腐孔蒸茄瓜,

2022開飯4個人食1夜返留飯餸.
 
飯後賭馬投注40蚊,中番場Q236元,咁都好啲,叫做有得玩吓.