金寶湯6913: 回憶錄~內蒙山西北京九(第4天)上

2017年4月22日星期六

內蒙山西北京九4~包頭~大漠響沙灣~希拉穆仁大草原.

2011年6月24日上午8:07公開累計瀏覽次數 581 6

2011年6月24日星期五

晨早4點又醒,轆到5點鐘,還是睡不著,為有起來梳洗去辦大事,辦來尚算可以,一心以為5:30morning call,好在老婆話6:30,於是又瞓過,好彩都可以瞓返,一覺就6:30morning call醒,起來,執妥行理落餐廳,

餐廳超多人,原來油麻地三團人一齊到,一團飛機一團19號出發,整間餐廳爆晒棚,

無位坐要坐到出餐廳外,攞咗嘢食,要行老遠才有張枱仔,都無心機食啦,求其食啲算,

7:40離開天外天酒店向響沙灣進發.

黃河,

2小時車程經過黃河便來到大漠響沙灣,下車一望環境有點兒戲,好似有點假?感覺沙漠無可能咁細?似人工堆砌都似?

入到內來,工作人員猛叫租防沙襪,見個個團友忙著穿上,唉!15蚊對?我都係慳番,老婆要租,同來朋友又租,四個女仔都租.

穿好防沙靴後就入場,有幾部怪獸車,原來要坐的,叫沙漠沖浪車喎?

上齊人便開車,團友個個準備十足,防沙靴不用講,戴晒墨超鴨舌帽遮埋頸,但見司機什麼口罩都無,心諗風沙大極有限.

經過昨晚夜遊,大家都好熟絡,談談笑笑,嘻嘻哈哈的互相拍照,大約7,8分鐘車程,經過高高低低,左搖右擺的到沙丘頂.

下車後團友好興奮,由其四個女仔,什麼姿勢都出齊,跳起拍,飄浮拍,我講笶不如做埋個鋪地板式拍,等你一面都係沙,哈!4個女仔還話我好潮喎?

來到自費遊玩區,騎駱駝100蚊位,我哋班熟絡友吱吱朕,相量吓點樣騎駱駝好玩啲,於是湊夠幾個後生啲團友,一湊竟然8個人,除了我兩個老嘢外,其他都係後生仔,

搞掂便去買票,

到買票就大鑊,原來一隊駱駝得7隻,無得加無得減,無偈為有不好意思下,撇下個靚仔呀穎.

買好票就齊齊進場,好興奮,7條友輪住同駱駝影相,

拍輪照上駱駝,

坐上駱駝,隻駱駝一起身,整個人向前扑,真係好驚險,班女仔更哇聲四起,

駱駝隊一行7隻,隻拉隻1005出發LU.

途中我們好有默契,當處於好景時,就大家不其然同對方拍,總之人在駱駝上,有殺錯無放過,我們拍咗多相,都係多謝今日唥數碼世界.

此程此境,十足絲綢之路,

大約20分鐘來到這間所謂博物館.

博物館有啲鷹呀羊呀同駱駝骨之類.

無什好睇看下1030便離開,跟住就回程,

1044便返回駱駝場.

離開還是依依不捨,拍過夠本.

須然騎既時間唔太長，但好好玩，真係好難忘一刻，駱駝,駱駝,886。

離開駱駝場,其實還有好多嘢玩,我們都係選擇玩埋個響沙灣滑沙算,8個人無個敢去先滑,實在太高,後來呀欽話,不如比個相機過佢,讓他先滑下,再同我們拍個滑沙照喎,

呀欽唔多熟部機,影得不太成功,其實有專人拍照,只不過要比錢買啫,之後各自滑完,感覺都好容易,只不過速度高,滑下來一殺那刺激,
滑完就齊齊去看相,人仔10蚊張,好運影到靚相,就買番張,唔好彩就影到歪LU,好似我朋友咁,只得半身.
離開滑沙場,坐回沖浪車返回大門口,

交還防沙襪,我無穿防沙襪,對鞋只不過一少許沙而已.

11:15離開大漠響沙灣去食中午,又途經黃河,

12:30來到一間叫醫學院地方,飯堂吃喱餐叫地道漢餐喎?

菜料都係咁上吓啦,

吃後又起程,今次就向希拉穆仁大草原進發.
15:15來到這裡稍休,放低幾両,

剛好有個穿著迷彩衫男子,兜售軍用望遠鏡喎,200佰蚊人仔喎.

稍休離開繼續行程.
16:30分來到高速公路這個尾站,原來捉超速有高招,在進入高速公路時,警局會給你一張時間紙,當來到公路尾時,要向警局交回張時間紙,到時時間幾多,一目了然,哈!係超速就罰錢.

途中唔駛講又係兩姐仔杰作,要求導遊唱歌?

17:10來到希拉穆仁大草原,馬隊來迎接,聲勢浩大,前又馬隊,

兩則又馬隊,情況像西部牛仔片,紅番劫馬車一樣.

下車時有隆重敬酒儀式,導遊話小啲酒量都唔好咁早落車喎?

我當然龜縮到最後啦.

飲過幾杯終於入住蒙古包LU.

篇幅太長,下篇再續.