睡來還可,鼻唔妥耳差不多,老婆甩隻牙,整朝上網,下午茶大乜樂,卜友會石湖墟,

昨晚睇埋尾二集四十九日祭,以經12點幾,都不敢繼續,無謂太夜又失眠,涼都懶沖便上床瞓,一覺5點多鐘醒,去個所回來,鼻敏感又來找我,噴嚏鼻水不停,無偈?為有攝高枕頭挨著瞓,諗住笠個耳筒聽歌瞓,結果還是手機睇埋最後集四十九祭.
看完後聽著歌再瞓過,矇矓到9點鐘,電話響老婆來電,說今早擦牙一隊甩隻牙,舒服晒喎,當然啦吊 吊揈之苦我都係過來人.

起來早餐無麵包,為有熱香餅,早前買自發粉,雞蛋,些少糖,鮮奶係咁攪,洗個面沖杯麥皮奶,煎餅,開電腦上住網,搽點占慢慢食.

 吃後搞掂一切又10點40分,看完套四十九日祭,硬係好多唔明?好多人物無交代就瓜咗,於是上網摷吓,原來youtube套劇係唔齊?人家48集,佢得42集,乜原因就唔知?

 一摷又一個上午,又12點幾鐘城市論壇,馬又跑了兩場,唔識賭吓睇跑馬,睇兩睇又3點鐘多啲鐘,老婆又放工,今晚我有約,今天不煮飯,咁就樓下大乜樂食下午餐,同昨日一樣,一個餐加個米粉26.5蚊兩份食.
茶後不用買餸便返歸,沖番個涼,姿整吓又5點半鐘,係時候北上上水會blog友,大圍站轉車,卡卡都半爆,放工時間看來都係無位坐,大圍至上水,大大話話要企足半粒鐘,對我來講都幾係嘢.
上車見有人起身,結果個妹妹轉身以幾坐了落去,好彩個妹妹見到我,立即讓位過我,真係好年青人,搭咗個站見又有人下車,我就急忙拍拍妹妹有位呀,個妹妹話唔啦,就快到喎,結果妹妹火炭下車,咁我就一路坐到上水.
目的地石湖墟新街市二樓,什少來過這裡,先前做過吓工課,上水站車尾直行便事,諗落都係唔入商場,朝著方向行,天黑關係,行到咁上下,問問路人,哈!原來就在眼前.

 

二樓就係要來的食市.

 

好Q大,

 

矇查查行了個圈,突然有人揮手叫聲,嘩!好耐無見blog友,以經係雅虎年代,2011年3月6日,一同踩轉單車,馬鞍山的黑咪.

坐吓blog友見面好多話題,係blog上話題,無耐blog友may到,跟住我唔太熟既philip同主角酒徒到.

 

我食乜都無所謂,由啲後生話事,叫個半隻雞豬骨煲,又菜,腐竹,魚或同丸類,還有都忘記?邊食邊傾,一點不覺第一次見面陌生.

 

有點得意,平時blog上所寫,以為會好多說話,誰知見面較文靜?樣貌想像中兩回事,4位blog友都係食電腦飯,在職人仕.

  

吃完吹輪水8點半鐘,係時候散band,拍番張照留念,本來預定找數AA,誰知無我份,話4人AA請我喎,真係多謝,幾拾歲受埋我玩,以經好安慰,重免我付錢.

  

女仕真細心,黑咪送我朱古力,may送我神奇海棉,清潔用好得喎,又食又拎.

 

順利回家9點多鐘,老婆不見了,原來全部去晒邊邊,豈有此理,煮少一餐,你哋就出街食.