睡來唔錯,老婆放假,血壓高,油塘敍,同三嫂講清講楚,老婆手機轉台,晚飯人齊食.

昨晚又成12點幾至瞓,一覺今晨7點幾8點醒,收音機千禧年代賴床,中文大學同香港大學,兩個學生會會長講初一暴亂.
 http://programme.rthk.org.hk/channel/radio/player_popup.php?pid=1063&eid=343787&d=2016-02-22&player=mp3&type=archive&channel=radio1
聽到9點幾鐘起來,老婆放假亦瞓醒.洗個面搞早餐,煎埋些少糉同年糕,同老婆兩份食,餐後量血壓152/80-56,又係高,食今早藥,辦埋個大事又10點40分,上陣網量多次血壓142/81-60.
以經11點鐘,今日約咗老婆啲大佬敍會,12點鐘油塘喎,老婆係咁猛吹,刮刮個樣11點半鐘出門.全程無位坐下,12點10分來到油塘站,從未來過油塘商場,還以為酒樓名叫大本型?原來大本型係商場,又會咁俗一個名?矇查查下,商場之大,好在三嫂剛到,帶同一起上去.



12點18分來到酒樓

老婆唐大佬夫婦,三佬兩公婆,連我們一枱6個人.

老婆個唐大佬一早以經到,未夠12點鐘以經叫定點心,話早茶點心平啲喎,

6人食過點心,再炒兩個粉麵飯食,6個人傾吓家庭事,有孫有米的講得特別開心,傾吓旅行經,一傾差不多3點鐘,三佬靜雞雞找數,我都唔知道?

散band後,唐兄夫婦走先,我同三佬四個人搭地鐵,途中襯機會,講番佢大佬返港件事,我話兩公婆若不是在大圍遇見,我們都不知道佢哋番咗來,還說回來以經幾星期,重話佢老婆話,探完佢老婆以前啲工友才找我們,還有當日遇佢哋,原來佢老婆在博愛中醫度針灸,博愛距離我家只不過一河之隔,針灸不是一兩次事,咁都唔會來探吓個妹,夠竟係咪兄妹嚟架?你還說我們不送佢機?我話睬佢都儍,三嫂才知道這回事.
講輪是非,落到下層見舞獅,以經十五元宵,還有舞獅收利是?.

回程時醒起老婆個電話要轉台,於是乎至電屋企兩隻馬騮,還好兩隻嘢在家,嗱淋叫兩隻嘢過來沙田廣場,幫個老母轉台.
過到沙田廣場,兩隻嘢還在屋企,等到腳跛兩隻嘢才到,電訊公司鬼咁好生意,6,7個職員做不停,攞票等叫號碼,重慘過酒樓等飲茶,等咗十幾分鐘才輪到,還是同我個pan一樣,3G無限上網,月費106元,我電話費就家姐付,家姐就迫番個細佬比,自動轉賬每人負責一個.

搞掂以經5點06分,老婆嗌牙肉痛,叫買六神丸?我話而十重邊有人食六神丸,不如問句藥房,有乜好介紹好過?足知介紹隻息痛樂55蚊.
 買後就買餸,4個人行轉卜佳,買有方包8.9蚊,燒排骨34.5蚊,貴妃骨27蚊,合共70.4元,個女比錢.
之後各有各掹,佢兩姐弟行街,我同老婆繼續沙田街市,買有鯪魚骨10蚊,拜神香38蚊.
之後搭車走,返回自己街市買斤芥蘭12蚊,粉葛8蚊斤13蚊返歸.

夜煮飯料有外賣燒排骨34.5蚊,芥蘭12蚊,焗豆一罐6.5蚊,雞蛋3隻3蚊.

清炒芥蘭
 
 茄豆蛋

外賣燒排骨

 人齊5個人食,今餐盛惠56蚊.