今日依然中午淥個麵食,1點半鐘過源禾路游水,太陽超猛,一於是同陽光鬥快,稍熱身1點50分下水,就係咁慢游1000m,兩點40分完成走人,更衣室沖完個涼,剛好3點鐘,老婆放工,同樣大圍拮嘢等.
過到大圍拮嘢,老婆剛好買好餐,還是老婆食,我唔食,飯後買餸,買咗好多嘢,兩公婆拎到四手係,買有雞蛋一排30隻25蚊,京葱+節瓜10蚊,腸仔兩包5蚊,鹹蛋5隻10蚊,蕃茄4隻6.4蚊,南瓜兩個10蚊,紅衫魚一份10蚊,合共76.4蚊.
人字拖鞋一對18蚊
買後陽光依然相當曬,同老婆靠學校邊返歸.
行得攰同老婆樹蔭櫈下,坐咗輪才繼續返歸.
蕃茄特別靚,忍不住手又食餐.
红衫魚滾湯红甜，但有個吾食魚喎。
回覆刪除芝士釀番茄，是否蕃茄中間切開，加芝士上面，煎一煎便可以。·
係呀,咁多種魚,係佢甜啲,睇湯白成咁就知,
刪除切番有咁上吓厚,就無唔易爛,煎到咁上下,比糖同黑椒沈面調味,差不多上碟才放芝士咋.
金寶叔這餐無鹹餸, 送唔到飯呢
回覆刪除兩個人食,都好難買餸,求其咋.
刪除呢款是泰國人字拖， 好著，下次回來帶我買！
回覆刪除哈!真係分錢分貨,膠質厚同實好多,係靚啲,
刪除我都係亂撞,家品店買,前日都未見有賣.
刪除嘩~~紅衫魚一份10蚊有5條超平...
回覆刪除我就愛紅衫魚煮蕃茄好正.
就咁煎香都好好味~~~ :)
係6條,好細條呢,煮蕃茄要大條至好食,細條骨多,滾湯好過.
刪除