無偈,今日又晨早5點鐘又醒,好彩昨晚11點半鐘以經瞓,瞓不返為有耳筒聽歌仔,賴到6點鐘老婆醒,我都起來,老婆返工我上網,又mytv追集神的晚餐,看後8點鐘才來洗面弄早餐.
吃過早餐辦過大事,唉!好唔掂,睇怕又要飲番杯果醋,又9點半鐘看J2神的晚餐,看後恰吓眼瞓.
無驚無險又到1點鐘,淥個麵食.
1點半鐘去游水,風和日麗曬到甩肺,1點40分去到泳池,時間有限,嗱淋更衣上池面,太陽超曬,陽勁猛下咁易郁吓便下水,一口氣諗住游300m,結果一口氣游咗800m,以經2點45分,嗱淋返回更衣室,沖完個靚涼剛好3點鐘,至電放工老婆,見無人接,便同呀王吹吓水,教吓佢手機功能,吹陣水老婆才覆電,又係大圍食拮嘢喎.
由於中午食過麵,叫老婆食住等,過到大圍拮嘢,老婆以經食飽飽,坐陣就行街市,魚就無乜啱買,買咗份白花魚卵10蚊,又行上惠康,老婆見到榴槤唔願走,榴槤9.8蚊磅,平就平,但係好難揀呢?無得敲時聞不到榴槤香,為有搏搏揀咗個,一秤5.5磅,盛惠53.7蚊,櫻挑買磅方包9蚊走人,返回自己街市買兩扎通菜5蚊返歸.
昨日25蚊買隻冰雞,老婆用鹽醃咗一晚,今日拿出來一開四,嘩!有無搞錯咁厚肉,從來未處理過咁大隻咁厚肉雞?,究竟乜雞嚟架?火雞?
太厚肉看來老婆唔夠鹽醃,一於大胆啲,再加鹽醃.
今晚餐料有通菜5蚊,大隻雞1/4隻6蚊,魚卵10蚊.
魚卵蒸熟.食半5蚊
雞大隻咪好囉，1/4也可夠一餐。
回覆刪除魚春也可以用來炒蛋，但煎就香口D。
你又有時間教人玩手機，手機功能很多，好多嘢玩。
我前天也替朋友買了部Sony T2，6寸瑩幕，$1888, 相機1300萬像數，原來你相片有磨姑公仔，是相機功能，我替朋友download好用的apps才給回他，他也是不懂用智能手機，此形号不是每間分行也有，因為是舊款，所以平，他新手上路，記得你部雜牌軍打柴後，也是買sony.
哈!我都係識啲唔識啲咋,問到多口解釋吓,我買咗部機乜型號都忘記LU,無乜去研究機種?Sony相16比9有度唔好,楝企相太窄,唔好囉,什少楝企拍,又感應有時好差囉,反應慢有時撳極才轉囉.
刪除我諗我部現時千1.2蚊都買到,舊型號降價好快.
魚卵可以炒蛋，蒸蛋，無咁乾。 鹹雞可以煲粥，焗飯。 真係食幾餐都得呀。
回覆刪除咁多種方法,都係醃鹹煎香最好食,隻雞好大隻,太厚肉,看來都係剁碎溝嘢煎至得,雞大隻肉鞋.
刪除