睡來尚可,游水800m,失敗區議員,呀樂下午茶,按摩椅,晚飯5人食.飯後又榴槤?

昨晚12點多啲鐘瞓,一覺6點鐘老婆閙鐘響醒,老婆番工,賴床6點40分起來,老婆又留下字條叫晾衫,洗個面晾埋啲衫,百無聊賴上網摷吓歌仔,又摷到隻歌仔,幾好聽.
摷完歌仔食早餐,搞掂埋一切事務繼續上網摷料,原來隻歌仔係套大陸劇,於是乎睇吓乜料,原來部神怪片,睇咗些少又幾吸引,又睇吓能否留得住我?
https://www.youtube.com/watch?v=w0UTChUCFRk
 
 又9點半鐘神的晚餐,之後上吓網看吓電視又1點半鐘,又去游水,過到泳池1點50分,更衣室換妥泳褲,上到池犀利,陽光勁猛,稍熱身下水,短短幾步腳到泳池,都熱到頂不住,雞蛋都煮熟.
2點正下水,陽光超太猛,快刀斬亂麻,一口氣游晒佢,不停地捱佢800m起水走人.
更衣室沖完個涼,離開泳池3點鐘,老婆放工來電,我話天氣太熱,無謂過大圍,不如返歸啦,橫掂委員會有糉要攞.
返回自己屋邨,委員會攞糉,唉!好失望,丁咁大隻奀切切,條糉繩重甩甩漏漏吊吊揈,登記時電話問過,話每戶兩隻?現在又話係一隻,無錯係寫明乙隻,可能當日我聽錯啦?啲義工老人家多,似乎無乜禮貌,老一脫即係老一脫,撇開政治來講,服務此中不及年青啲民主派,義工後生啲,笑容啲恭敬啲,禮貌確係有數,自從本區民主派當選,確係做咗好多嘢.
喱隻糉係老婆叫我登記,嗰日朝早至電無人聽,再睇清楚單張,才知道乙隻咁大把,其實我都放棄,誰知下午成4點鐘才覆我,就係咁我才登記咗,經過今次咁既小恩小惠,下次都咪搞我,選舉靠群眾,咁態度點會有人支持呢?

攞完隻奀切切,老婆落來大家樂,唔太肚餓的我,就食個23蚊餐,老婆就鐵板烏冬餐30蚊,無耐個女又到,買餐後才發覺易嘗錢,累積到成百蚊,老婆還是矇查查.

茶後又行惠康,個女要盒芝士威化14.9蚊,昨晚榴槤太熟,唔過癮,一於又整隻10.9磅64.2蚊,特價蕉6蚊,街市買條涼瓜5蚊,瘦肉25蚊返歸.

 今晚餐料有南瓜半個2.5蚊,昨晚榴槤殼,罐頭豆豉鯪10蚊,涼瓜5蚊,瘦肉25蚊.

 

隔夜雞一兜.

 爆雞

 肉碎煮南瓜

豆豉鯪魚煮涼瓜

 蜜棗榴槤殼煲瘦肉

 

 

個新抱買咗張咁嘢

 

新C坑果然銳得幾係吓.

飯後果還是榴槤.