睡來麻麻有夢,上陣網看電視,游水800m,禾輋麥記,買拖鞋,晚飯5人食.

昨晚啲友唔食飯,有米懶煮,煮雜糧蕃薯南瓜粟米食,重要夜一夜成8點來煮,飯後看電視律政強人,連blog都唔想寫,日日如是諗住求記下算數?成11點鐘,諗住草草記下,個女又風筒吹頭,唉?熱風吹過來,熱氣迫人難頂,出聲又多聲氣,為有寫吓行開吓,到草草寫好,唉!不如執執佢出埋算,又有幾條留言,覆埋又成12點幾鐘至瞓.

還好游水攰攰哋,好快便瞓著,湯水多夜所頻頻,就瞓到今早8點多醒,睡來有夢,夢見飬咗條鱷魚,個籠就快破爛,鱷魚走出來就唔得掂?嗱淋去揾鐵線之類爪番緊個籠,危急下就咁醒咗.
起來差不多9點鐘,洗面搞早餐,還是鮮奶麥皮,不過今早食月餅,傳統大嗰隻,半個都無,就甜到唔想食,餐後量血壓128/70-58,食埋今早藥就急不及待,昨晚蕃薯南瓜效應,順暢完成下才9點20分.
今早事上網,上陣網10點多,以經無心機上,關電腦看電視.
12點鐘羋月傳.看完集又1點鐘,執嘢去游水,過到池1點半鐘,更衣室搞妥一切上池,陽光普照,稍熱身1點42分下水,狀態唔錯,目標還是800m,一條氣2點26分夠數走人.
更衣室沖完個涼,至電個老婆,由於要買拖鞋,約好老婆禾輋食麥記,同呀王吹陣水便過禾輋.
過到禾輋3點14分,就麥記等老婆,稍等老婆到,以往一樣一包一餐33蚊,

食餐其間,個吖吖妹又見,
 
一來到就張支飲過兩啖既可樂,掉落垃圾筒,跟住吖吖聲手指指,指個老母去乜買勿,由於我坐正垃圾筒則,睇住個吖吖妹,又掉支飲過兩啖既豆漿,跟住陸續係掉食物,樣樣都係咬一兩啖,而個老母不停幫個女穿梭,買嗰樣買喱樣,唉!又會有個咁既老母,其實都遇佢兩都好多次,都不見怪不怪,怪只怪佢老母,係咁縱容個女,買咁多掉咁多,奇怪啲錢又何來?相信都係政府錢?
終於輪到個老母來掉,包薯條揀起幾條,又成包掉落垃圾筒,我望住佢,佢就啤住我,我就同你鬥啤,佢後來藐藐咀,老婆話點解唔話佢望乜呀?我話之佢做乜,佢出聲嘛媽差佢囉.
其實第一次遇見佢,真係好驚嚇,隔鄰左右唔知,個女突然驚叫吖吖聲,好大聲,隔鄰條麻甩佬嚇得彈起,嗱淋揾位走,佢個老母就話人歧視佢,大佬呀,唔知頭唔知路,突然咁叫唔彈開有鬼?証明喱個老母有問題?此住個女扮大晒,個吖妹平時係樓下間庇護工場讀書,有次遇見佢同老師成班同學,佢都好淡定,無乜唔妥,係同個母咁多嘢,有次搞到商鋪報警,警察上來調停,唉?可能久久放假休息個老母帶來麥記卦?
同老婆都無眼睇,行商場揾拖鞋買,行遍商場至平都係吉豬12蚊店,可惜無得揀得綠色一隻款,老婆話唔綠色唔靚,心諗12蚊啵?鞋又唔係帽,你唔買我買,
 
買後老婆話要去銀行搞番個密碼,咁就分道揚鑣過市中心.
由於老婆行路我踩車,過到好運先行轉卜佳,昅吓行情,行轉才過去銀行,過到去老婆以經搞掂咗個強積金密碼,然後齊齊買餸,行轉卜佳跟住街市,買後老婆搭車,我就踩車返歸.
回家6點鐘,買來有卜佳衛星包12蚊,新高梨3個12蚊,瘦肉15蚊同韓國蒜頭6.9蚊,街市泥鯭15蚊.

回家攤響梳化看電視,看吓恰吓眼睏,攤吓攤吓真係好唔想起來煮飯,7點多無偈為有起來煮飯,料有露筍兩扎10蚊,瘦肉15蚊,青茄瓜3.5蚊,泥鯭15蚊.
 
太煩覆有點後悔,搞餐懵成8點10分才處理好煮得,

肉碎青茄瓜.

 肉碎炒露筍,

煎泥鯭,

又成9點鐘開飯,5個人食1夜返留飯餸.

開番支有氣蘋果汁飲.

飯後果新高梨.