睡來唔錯,屎坑制作,新BB煲運作,老婆柯打煲落湯,房署報定案,樓下下午茶,沙田街市買餸遇見佢,晚飯齊人食餐飯.

昨晚揾吓歌仔,攪埋條旅遊片,差不多12點鐘至瞓,一覺今早近8點鐘醒,睡來唔錯,賴床近9點鐘起來,老婆又留下字條叫晾衫同煲湯.
洗個面晾衫,大量衣服無太陽都幾麻煩,新抱剛巧番工,好不容易晾妥,番熱木耳漿食,上網寫下今早事,搞早餐同時洗淨個新BB煲,煲我第一煲水.
早餐無麵麥包,依然皮鮮奶,淥個麵食算,食過藥,量過血壓121/67-58,手機辦大事,昨晚條上節,順便搞埋下節,辦妥大事,條片上埋youtube又11點鐘,

上陣網12點鐘,看電視,羋月傳.
兩點鐘老婆返,打點好一切,兩點多鐘諗住過沙田中心食嘢兼買餸,誰知個仔放假蒲頭,咁就樓下食大乜樂,個仔還未梳洗,我同老婆就先行前去.
由於廁所個蹮踿窗,整條窗撐銹蝕斷咗,又窗較銹蝕到關不得,本來不修無妨,唉?但有乜差池就無謂,都係入房署報定案.
房署登記好就大乜樂,老婆依然炸雞髀餐25蚊,我就熱狗餐25,無耐個仔到,又炸雞髀餐加個火腿通粉31.5蚊,合共又81.5元.
吃後田雞過河,各有各撐,同老婆就買餸,搭程車過沙田中心,沙田街市68蚊買斤基圍蝦,瀝源燒臘買隻豉油雞68蚊,行回街市門口,就遇見佢謝票,在場有人咒罵,亦有人捧場,

看陣熱閙,貢上卜佳買隻哈蜜瓜16.9蚊同方包9.2蚊走人,返回自家街市9蚊買個生菜返歸.

回家4點半鐘,老婆處理今晚餐餸,我就上網寫今日blog,
寫輪blog看輪youtube,8點多鐘啲友陸續返到,人齊開飯,飲碗靚湯,齊齊健康.
 
有灼淥生菜,蠔是炆冬菇,白灼基圍蝦,外賣豉油雞,老婆靚湯.


 
飯後果哈蜜瓜.