相當好瞓,整日在家,凍得要命,大圍大乜樂兼餸,晚飯4人食.

昨晚12點前都瞓,一覺6點鐘醒醒,老婆返工,去個所後又瞓返,就瞓到8點鐘,凍凍哋收音機賴床到9點多鐘,洗個面番熱木耳漿食,上陣網才早餐,早餐依然無麵包,麥皮兩塊餅,食埋無人吼隻茶果,餐後10點15分,量血壓139/76-54好險?食埋今早藥就辦大事,辦埋又10點45分.
上輪網無所事事,又學人寫回憶錄.
暖咗好幾日,突然凍番確係難頂,寫吓看吓電視又3點鐘,老婆放工,寒冷下邊度都唔想去?但有些菜要過大圍買,唉!都係過大圍.
老婆在火車站等埋,一同過大圍,大圍食大家樂,每人食個下午茶餐,老婆23我24蚊,茶後行街市,斯縮下買有芥蘭1斤9蚊,紅蘿蔔兩條7蚊,粟米4支10蚊,瘦肉20蚊,火車返歸.

回家都5點15分,今晚餐料有炸腐竹10蚊,芥蘭9蚊,紅蘿蔔食半4蚊,粟米食半5蚊,豆卜,瘦肉20蚊,雞蛋兩隻兩蚊同鮮淮山.

老婆處理買來菜料煲落湯,我就累得要C,便響梳化瞓陣,6點多個仔放工返,7點40分我來煮飯.
料有豆漿,炸支竹,芥蘭,雞蛋兩隻,豆卜同蝦米.

 一搞8點25分開飯,有
蠔油灼芥蘭,
 
雞蛋豆卜蝦米豆漿浸腐竹
 
 紅蘿蔔粟米鮮淮山煲瘦肉.
 

 
4個人食1夜返留湯飯餸.


飯後果柚子