夜瞓早醒,早茶會blog友,女同老母街街,我就會老友,晚飯個女同老婆煮,4個人食.

昨晚出埋編連州二,將近乎1點鐘至瞓,一覺6點鐘醒,賴床咗45分鐘,見還未能瞓返,為有起來洗個面上網.
執執昨晚編blog,7點多個仔返工,差不多8點鐘老婆瞓醒,浸下湯料話今晚煲湯喎,我就辦我大事,8點多鐘,係時候同老婆出富臨會blog友.
過到富臨不用等便有枱,坐下開茶,嗱淋whatsapp過blog友到咗,叫她慢慢來,都知佢回來會忙,會瞓得晏.
無早飲茶習慣都好多年,原來老人家多,老人家排晒隊,原來攞盅頭飯,一盅兩件幾經係老人家世界.
 
話咁快samwei以經到,坐下就剔點心,之後就開始我們雞啄唔斷,話題超多,問到佢老嗲,原來會裝機嵌電腦,犀利,講吓佢英國生活事,又教我寫blog心得,原來blog有個apps,我都唔知道?又教相片可儲上fb方便駛用,又講吓blog友事跡,講吓旅行經,要講真係三日三夜講不完.



blog友即blog友各自太了解,來時我以經同老婆講,一定搶單成功,唉!佢真係眉精眼企,我稍為郁吓膊頭,佢殊一聲以經拿走張單,點叫都唔肯比我,又找數又送嘢過我,真係過意不去,一傾兩粒鐘,11點鐘lu,係時候要走,離開娛樂城佢話沙田街市買魚,我同老婆就返歸.
回程途中海味鋪,老婆買磅百合40蚊,蟲草花98蚊一買要兩包,個女人好好人,拆開49蚊賣包過我們.
回家11點半鐘,samwei原來送我咁多嘢,有兩包芝士,咖啡同耳塞,真係過意不去,知我們愛芝士,送我們兩大包,知我老婆飲咖啡,原來共同嗜好.

知我游水送我耳塞,認真唔話得.

老婆買的有百合一磅40蚊,金蟲草一包49蚊.

回家寫陣blog就搞吓部手機,張大量相片棄掉,裝番個Bloger Apps,果然係唔同,一搞又2點鐘,老婆同個女街街,我就無興趣,於是至電老友下午茶.
兩點多啲鐘,同老婆同個女分道揚鑣,落到馬路燈位,眼見吉小巴走過,大鑊?一等再等,爆棚走咗駕,後便個C奶還緊張過我,見爆棚走咗駕,猛話要等好耐喎?見有82K到,建議82K好過,見佢言之鑿鑿,似好有經驗咁?好想跟去搭,但82K實在超慢,左兜右兜,後來還是留低,真好彩稍後車到.
上到廣源只不過2點45分,老馬以在食緊下午茶,我就來個义燒麵餐25蚊,

好耐無見,話近排成日傷風喎,易傷風嘛身體唔好囉,藥物幫唔多,要靠自己囉,傾吓常聯絡朋友,都話少喎,要揾食佢有佢工作,又話手機合約到,要加價喎,我話你同你啲仔相量吓囉,我哋啲老嘢邊識咁多吖?講到仔同新抱,佢就好啦,個第三新抱,有病同你醫生,又同你跟進手機,連FB都同你開埋,大佬新抱嚟咋?不是你女兒呀,同你旅行又係第三嗰個仔同新抱,你真係幸福,講到我啲,唉!不用提,佢哋並不是無我心,只不過無你啲咁貼心啫,話實旅行我不會孖佢哋去,去來唔開心把鬼咩,傾輪兒女債,講吓旅行事又3點半有多,老馬搶住找數.
離開酒樓,老馬要抽煙,煙後同佢行轉街市,菜價比大圍貴些少,老馬揀蕃茄,賣條麻甩佬懶風趣,其實句句有骨,話要温柔啲,唔好個個乜乜勿勿,我細聲同老馬講,佢咁樣我就放低唔買囉,老馬可能唔明?繼續揀買,買完行個圈又同佢買埋菜心,可能佢真係聽不明,行完街市,我都要走,佢有佢返歸.



我就小巴返回自己街市,都唔知買乜好,走上惠乜行吓,結果都係空手而回,又唔知他們今晚食飯與否?至電過她們,還未定喎,咁就你哋買到夠,我就打道回府.
回家上網,5點多個仔放工返,而老婆同個女6點半鐘返到,買有菜返,有豆腐乾,蕃茄,薯仔,紅蘿蔔同洋葱,個女話今晚佢煮飯喎,好,樂得清靜你煮埋佢.

個女煮飯我就上網,其間老婆同個女兩隻錶要換電,好彩都成功換妥,個女煮吓問吓,終於搞掂,又夜至9點鐘才開飯.
有個女煮什菜.

個女煮蕃茄蛋.

老婆超痺柚皮.

老婆老火湯.



開飯4個人食.

飯後果香蕉